BSP may babala sa publiko sa mga nagbebenta online ng 20-peso coin

Nagpalabas ng babala sa publiko ang Bangko Sentral ng Pilipinas (BSP) hinggil sa ipinakakalat na bagong itsura ng P20 na barya.

Ayon sa BSP, hindi ito nag-isyu ng Brilliant Uncirculated 20-peso coin.

Paalala ng BSP sa publiko mag-ingat sa mga online sellers na nagbebenta ng naturang barya.

Ang New Generation Currency ng beinte pesos na coin ay inilabas ng BSP noon pang December 2019.

Hanggang noong Agosto 2020 sinabi ng BSP na umabot na sa 2.09 million na piraso ng 20-peso coin ang kanilang nailabas sa sirkulasyon na aabot sa P41.85 million ang halaga.