Metro Manila, ilang kalapit na lalawigan makararanas ng pag-ulan sa susunod na mga oras

Uulanin sa susunod na mga oras ang Metro Manila at mga kalapit nitong lalawigan.

Sa inilabas na rainfall advisory ng PAGASA alas 5:00 ng umaga ngayong Miyerkues, Oct. 7, mahina hanggang sa katamtamang pag-ulan ang mararanasan sa Metro Manila, Bulacan, at Rizal.

Ganitong lagay na din ng panahon ang umiiral sa Cavite, Laguna, Batangas at Quezon.

Pinapayuhan ang mga residente sa mabababang lugar na maging maingat sa posibleng pagbaha.

Ang mararanasang malakas na buhos ng ulan ay maari dng magdulot ng landslides sa bulubunduking lugar.