BREAKING: Kaso ng COVID-19 sa Pilipinas, umabot na sa 316,678

By: Dona Dominguez-Cargullo - 4 years ago

Mahigit 2,600 pa ang panibagong kaso ng Coronavirus Disease o COVID-19 sa Pilipinas.

Sa huling datos ng Department of Health (DOH) araw ng Biyernes (October 2), umabot na sa 316,678 ang confirmed cases ng COVID-19 sa bansa.

Sa nasabing bilang, 56,445 ang aktibong kaso.

Sinabi ng kagawaran na 2,611 ang bagong napaulat na kaso ng COVID-19 sa bansa.

87 porsyento sa active COVID-19 cases ang mild; 8.8 porsyento ang asymptomatic; 1.3 porsyento ang severe habang 2.9 porsyento ang nasa kritikal na kondisyon.

Nasa 56 ang napaulat na nasawi.

Dahil dito, umakyat na sa 5,616 ang COVID-19 related deaths sa bansa.

Ayon pa sa DOH, 416 naman ang gumaling pa sa bansa.

Dahil dito, umakyat na sa 254,617 ang total recoveries ng COVID-19 sa Pilipinas.