US President Donald Trump, First Lady Melania Trump kapwa maayos ang kondisyon

By: Dona Dominguez-Cargullo - 4 years ago

Kapwa maayos ang kondisyon nina US President Donald Trump at asawa nitong si Melania Trump.

Ito ay makaraang magpositibo ang dalawa sa COVID-19.

Sa inilabas na report ng doktor ni Trump na si Dr. Sean Conley, kapwa maayos ang lagay ng mag-asawa at mananatili sila sa White House sa kasagsagan ng quarantine.

Sinabi ni Conley na masusi niyang babantayan kasama ang White House Medical Team ang kalagayan ng mag-asawang Trump.

Sinabi ni Conley na makagaganap din ng tungkulin si Trump habang nagpapagaling.