Giit ni Pangilinan, nasa gitna pa rin ang bansa ng pakikipaglaban sa pandemiya at ang pagsuspinde sa koleksyon ay malaking tulong sa mga lubos na naapektuhan, tulad ng mga nawalan ng trabaho o nabawasan ang pinagkakakitaan.
Simula sa Huwebes, October 1, ilang bangko ang muling maniningil ng transaction fees via InstaPay, isang electronic fund transfer service sa pagitan ng mga bangko na nasa pangangasiwa ng BSP at non-bank e-money issuer.
“Milyon ang nawalan ng trabaho dahil sa COVID at lockdowns. Malaking tulong yung pagsuspindi o pagbaba ng online transaction fees,” aniya.
Unang hiniling ng BSP sa mga bangko na alisin muna ang kanilang online transaction fee para mahikayat ang tao na gamitin na lang ang online banking para maiwasan pa ang pagkalat ng sakit.