Reno naghain na ng aplikasyon sa FDA para makapagparehistro

Naghain na ng registration sa Food and Drug Administration (FDA) ang pamunuan ng Reno ang tanyag na brand ng liver spread.

Ayon kay FDA director General Eric Domingo, nagsumite na ng aplikasyon ang Reno para makapagparehistro sa ahensya.

Sumasailalim na lamang ito sa proseso para sa pag-apruba ng FDA.

Sinabi ni Domingo na humingi rin ng paumanhin ang pamunuan ng Reno sa nangyari.

Ani Domingo sa sandaling makatugon sa requirements kabilang ang pagpasa sa lahat ng standard ay makababalik na sila sa operasyon at pwede na ulit ibenta sa merkado.

Kamakailan nag-isyu ng babala sa publiko ang FDA laban sa Reno dahil sa kabiguan nitong magparehistro sa ahensya.