PET inatasan ang Comelec at OSG na magkomento kaugnay sa nakabinbing usapin sa poll protest ni dating Sen. Bongbong Marcos vs VP Leni Robredo
Inatasan ng Presidential Electoral Tribunal (PET) ang Commission on Elections at ang Office of the Solicitor General na magsumite ng komento kaugnay sa nakabinbing usapin sa poll protest ni dating Sen. Bongbong Marcos laban kay Vice President Leni Robredo.
Binigyan lang ng PET ang Comelec at OSG ng 20-araw para magsumite ng komento.
Ang ibang partido naman ay binigyan ng 15 araw para sagutin ang magiging komento ng Comelec at OSG.
Inatasan din ng PET ang Comelec na iulat kung mayroong mga naihaing petisyon kaugnay sa failure of elections sa mga lalawigan ng Lanao Del Sur, Basilan at Maguindanao.
Ang resulta ng eleksyon sa tatlong nabanggit na lalawigan ay pinapawalang-bisa ni Marcos sa PET dahil sa pagkakaroon umano ng insidente ng terrorism, intimidation, at pre-shading ng balota.
Pinagkokomento ang Comelec at OSG kung ang PET ay maaring magdeklara ng annulment of elections nang walang gagawing special elections, at magdekalra ng failure of elections at ipag-utos ang special elections.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.