Baguio, muling nadagdagan ng 68 bagong kaso ng COVID-19
Umabot muli sa 68 residente sa Baguio City ang nagpositibo sa COVID-19.
Ito na ang ikalawang sunod na araw na nakapagtala ng pinakamataas na bagong kaso sa Baguio sa loob ng isang araw.
Batay sa Baguio City COVID-19 monitoring hanggang 5:00, Martes ng hapon (September 29), umabot na sa 915 ang kabuuang bilang ng kaso ng nakakahawang sakit sa lugar.
16 naman ang bagong gumaling sa COVID-19.
Bunsod nito, 478 na ang total recoveries sa Baguio City habang 12 pa rin ang death toll.
Samantala, sa suspected cases, nasa 2,849 ang aktibo habang 3,145 ang naka-recover.
Patuloy namang nakasailalim sa 14-day quarantine ang 9,963 na residente habang 19,230 ang nakatapos na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.