Regional at Provincial IATF pinakikilos para hindi na madagdagan ang kaso ng COVID-19 sa Batanes

Pinakikilos ni National task force on COVID-19 chief implementer Carlito Galvez Jr. ang Regional at Provincial Inter-Agency Task Force kasunod ng pagkakaroon na ng unang kaso gn COVID-19 sa Batanes.

Sa pahayag sinabi ni Galvez na kailangang agad maisagawa ang surveillance case finding.

Kailangan ding agad mai-isolate ang pasyente at agad isailalim sa swab test ang naging unang contact nito.

Naniniwala si Galvez na kakayaning tugunan ng provincial government ang sitwasyon lalo pa at nag-iisa pa lang ang kaso.

Kailangan lang aniyang maging maagap ang provincial government, mga alkalde, at mga kapitan ng barangay para ma-contain ang posibleng paglaglaganap ng kaso.