Baguio, nakapagtala ng 68 bagong kaso ng COVID-19; Pinakamataas na single-day increase
Nasa 68 pang residente sa Baguio City ang nagpositibo sa COVID-19.
Ito ang pinakamataas na naitalang bagong kaso sa Baguio sa loob ng isang araw.
Batay sa Baguio City COVID-19 monitoring hanggang 5:00, Lunes ng hapon (September 28), umabot na sa 847 ang kabuuang bilang ng kaso ng nakakahawang sakit sa lugar.
22 naman ang bagong gumaling sa COVID-19.
Bunsod nito, 462 na ang total recoveries sa Baguio City habang 12 pa rin ang death toll.
Samantala, sa suspected cases, nasa 2,819 ang aktibo habang 3,148 ang naka-recover.
Patuloy namang nakasailalim sa 14-day quarantine ang 9,826 na residente habang 19,206 ang nakatapos na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.