“No Beep card, no ride” policy, ipatutupad sa EDSA busway simula sa Oct. 1

Ipatutupad na ang “no Beep card, no ride” policy sa mga pasahero ng EDSA Busway System, ayon sa Department of Transportation (DOTr).

Base sa anunsiyo ng kagawaran, magsisimula ang implementasyon nito sa araw ng Huwebes, October 1.

Bahagi ito ng hakbang ng DOTr para sa cashless transactions na makatutulong na mabawasan ang physical contact sa pagitan ng mga pasahero at service providers.

Maliban dito, makatutulong din itong mabawasan ang posibilidad na mahawa ng COVID-19.

Sa ganitong paraan, magiging mas mabilis na rin ang transaksyon at mababawasan ang paghihintay ng mga pasahero.