Magnitude 3.3 na lindol, naramdaman sa South Cotabato

Niyanig ng magnitude 3.3 na lindol sa bahagi ng South Cotabato.

Ayon sa Phivolcs, namataan ang episentro ng lindol sa layong 12 kilometers Northwest ng Tupi.

Naramdaman ang pagyanig bandang 4:09 ng hapon.

May lalim ang lindol na 32 kilometers at tectonic ang origin.

Gayunman, walang naitalang pinsala sa Tupi at karatig-bayan.

Wala ring inaasahang aftershocks matapos ang pagyanig.