Bilang ng active cases sa Mandaluyong City nadagdagan

Nadagdagan pa ang bilang ng coronavirus disease o COVID-19 active cases sa lungsod ng Mandaluyong.

Sa datos ng Mandaluyong City Health Department (Linggo, September 27, 4:29 PM), umabot na sa 605 ang bilang ng active cases sa lungsod kung saan nakapagtala ng 36 bagong kaso.

Ang bilang naman ng mga gumaling na o naka-recover na ay 3,753 kung saan 51 ang bagong naitala.

Ang bilang naman ng nasawi sa virus ay umabot na sa 145 kung saan hindi nakapagtala ng bagong nasawi.

Umabot naman na sa 4,503 ang kabuuang bilang ng tinamaan ng COVID-19 sa lungsod.

Ang bilang ng probable ay 29 habang 1,520 naman ang suspected cases.