317 Filipino galing Lebanon, nakauwi na ng Pilipinas
Nakauwi na ng Pilipinas ang 317 Filipino mula sa Lebanon, ayon sa Department of Foreign Affairs (DFA).
Lulan ang overseas Filipinos ng DFA-chartered Philippine Airlines flight PR8681 na dumating sa NAIA-Terminal 2, 10:38, Linggo ng umaga.
Dumaan ang repatriates sa kinakailangang medical protocols pagkadating ng naturang paliparan.
Sasailalim din ang repatriates sa quarantine alinsunod sa itinakdang panuntunan ng Inter-Agency Task Force.
Ito na ang ikalimang DFA-chartered repatriation flight mula Lebanon simula noong June 2020 at ika-50 chartered flight mula nang magkasa ng repatriation efforts noong February 2020.
Dahil dito, nasa kabuuang 2,596 Filipinos na sa Lebanon ang napauwi ng kagawaran simula noong December 2019.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.