Na-repatriate na overseas Filipinos, umabot na sa 195,224
Umabot na sa 195,224 na overseas Filipinos (OFs) ang na-repatriate simula nang magpauwi ng mga Filipinong apektado ng COVID-19, ayon sa Department of Foreign Affairs (DFA).
Naitala ang nasabing datos mula February hanggang 2:00, Linggo ng hapon (September 27).
Nitong nagdaang linggo, sinabi ng kagawaran na aabot sa 9,574 ang napauwing overseas Filipinos.
Sa kabuuang bilang na 195,224, 67,484 o 34.6 porsyento ang sea-based habang 127,740 o 65.4 porsyento ang land-based.
Sinabi ng kagawaran na patuloy pa rin ang repatriation sa mga nais umuwi ng Pilipinas.
Inabisuhan ng DFA ang sinumang OF na nais makauwi ng Pilipinas ay maaaring ipagbigay-alam sa embahada o konsulado sa kanilang lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.