Natukoy na ng mga opisyal ng Bangladesh Bank ang mga suspek na Chinese sa panghihimasok sa naturang account kung saan malaking porsiyento ng naturang halaga ang napunta sa mga bangko sa Pilipinas.
Samantala ang isang bahagi ng halaga ang napunta sa bangko sa bansang Sri Lanka.
Ayon sa mga opisyal ng bangko, nagawang mapasok ng mga hackers ang pera mula sa BB account noong February 5.
Ayon naman sa mga imbestigador sa Pilipinas, nailipat ng mga computer hacker ang nasa $100 milyong dolyar sa banking system ng bansa, naibenta sa black market foreign exchange broker at nailipat sa tatlong malalaking casino at naibentang muli sa isang broker bago nailabas ng bansa.
Ang transaksyon ay tumagal lamang ng ilang araw ayon pa sa imbestigador.
Nabunyag ang naturang insidente nang lumabas sa inquirer.net ang balita ng money laundering kung saan ang pera umano ay nagmula sa bansang Bangladesh.
Sa Isiniwalat na impormasyon ng isang senior official ng naturang bangko sa The Daily Star, narekober na ng mga otoridad ang bahagi ng perang napunta sa Sri Lanka ngunit bigo pa itong mabawi ang malaking bulto ng salaping napunta sa Pilipinas.
Ang Bank of Bangladesh ay may 28 bilyon dolyar na foreign currency reserves kung saan one-third dito ay nasa pangangalaga ng Federal Reserve Bank in United States at Bank of England.
Nakikipag-unayan na ang Bangladesh Financial Intelligence Unit sa Anti-Money Laundering Council o Amlac ng Pilipinas upang mabawi ang nanakaw na pera.
Sa kasalukuyan, hinahabol na ang pera sa ilalim ng Stolen Asset Recovery Initiative na kasunduan sa pagitan ng World Bank Group at ng United Nations Office on Drugs and Crime.
Samantala, mariin naman itinatanggi ng Federal Reserve Bank na napasok ng hackers ang kanilang sbanking system.