Mga pulis na gumaling sa COVID-19, pumalo na sa 4,500

Nadagdagan pa ng 37 ang bilang ng mga pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Sabado ng gabi (September 26), 5,705 na ang confirmed COVID-19 cases sa hanay ng pambansang pulisya.

Sa nasabing bilang, 1,188 ang aktibo pang kaso.

90 namang pulis ang gumaling sa nakakahawang sakit kung saan isa ang na-readmit.

Dahil dito, 4,500 na ang total recoveries sa hanay ng PNP sa naturang sakit.

Wala namang pulis ang napaulat na nasawi dahil sa COVID-19.

Bunsod nito. 17 pa rin ang COVID-19 related deaths sa pambansang pulisya.