Higit 1,000 tablets, ido-donate para sa ilang mag-aaral sa Universidad de Manila
Mag-dodonate ng 1,010 piraso ng Samsung Galaxy Tab A devices sina Mayor Isko Moreno at Vice Mayor Honey Lacuna-Pangan para sa ilang estudyante ng Universidad de Manila.
Ayon sa alkalde, makakatanggap nito ang mga mag-aaral ng naturang unibersidad na mula sa “poorest of the poor” families.
“Alam ko po ang hirap na dinaranas ng ating mga mag-aaral, lalo na mga mahihirap na nasa ating mga pampublikong paaralan. Kaya’t inihahandog po namin ito ni Vice Mayor Honey Lacuna,” pahayag ni Moreno.
Sinabi nito na umabot sa P8.8 milyon ang halaga ng mga tablet na nalikom mula sa kaniyang modeling/talent fees sa iba’t ibang kumpanya.
“Hangad po namin silang matulungan sa kanilang online calsses ngayong may blended learning mode dahil sa pandemyang dulot ng COVID-19,” ayon pa kay Moreno.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.