Cong. LRay Villafuerte kay Cong. Lord Allan Velasco: Tamad siya, hindi nagpapakita, hindi nagpe-perform
Ayaw ng mga mambabatas sa tamad, hindi nagpapakita, at hindi nagpe-perform na house speaker.
Ito ang diretsahang mensahe ni Deputy Speaker at Camarines Sur Rep. Luis Raymund “LRay” Villafuerte kay Cong. Lord Allan Velasco.
Sinabi ni Villafuerte na nakita na ng mga kapwa niya mambabatas kung paanong mag-perform si Velasco.
Ayaw umano ng mga mambabatas na magkaroon ng tamad na house speaker.
Pinuna din ni Villafuerte ang bihirang pagpapakita sa kamara ni Velasco at mababang performance level nito.
“ayaw nila ng tamad na speaker, ni hindi nga siya (Velasco) nagpapakita sa kongreso,” ani Villafuerte.
Ani Villafuerte, napakalaking kaibihan ni Velasco sa ipinakikitang performance ni House Speaker Alan Cayetano.
“Nakita nila ang level ni Speaker Alan Cayetano, kabaligtaran ng level ni Velasco. Si Lord (Velasco) tamad, hindi nagpapakita, hindi nagpe-perform,” dagdag ni Villafuerte.
Sinabi din ni Villafuerte na halos lahat ng supporters ni Velasco sa Kamara ay lumipat na ng suporta kay Cayetano dahil na-realize nila na maganda ang performance ng una.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.