Pawang mga appointee ni Pangulong Benigno Aquino III ang mga pumabor na tumakbong pangulo ng bansa si Senador Grace Poe.
Nabatid na apat sa anim na mga Mahistradong appointed ng Pangulo ang kumampi kay Poe.
Kabilang dito sina Chief Justice Maria Lourdes Sereno Justices Marvic Leonen, Benjamin Caguioa at Francis Jardeleza.
Si Sereno ay pinili ni PNoy bilang Associate Justice noong August 16, 2010 at naging Chief Justice noong August 24, 2012.
Si Leonen naman ay naitalaga ng Pangulo noong November 21, 2012 habang noong Agosto 19, 2014 naman si Justice Francis Jardeleza.
Pinakabagong appointe ni PNoy na pumabor sa kandidatura ni Poe ay si Justice Alfredo Benjamin Caguioa na na-appoint sa pwesto nito lamang January 22, 2016.
Si Associate Justice Jose Perez na siyang sinasabi ngayong bagong ponente sa kaso ni Senador Poe ay appointee ni dating Pangulong Gloria Arroyo at nakatakda ng magretiro sa December 26 ngayong taon.
Nauna ng lumabas sa ilang balita na alternatibong kandidato ni Pangulong Aquino si Poe pero mariin ng itinanggi ng Malakanyang ang isyu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.