Mga kritiko ni dating Speaker Alvarez, binuweltahan
Tinawag na bugok ni dating House Speaker at ngayon ay Davao del Norte Rep. Pantaleon Alvarez ang mga nagsasabi na siya ay kasapi na ng oposisyon matapos punahin ang pagtugon ng pamahalaan sa pandemya.
Ayon kay Alvarez, sinabi lamang niya ang totoo sapagkat hindi naman maikakaila na makalipas ang ilang buwan ay patuloy pa rin ang mataas ang bilang ng mga naitatalang panibagong kaso ng COVID-19 sa bansa kada araw.
Iginiit ni Alvarez na obligasyon niya bilang mamamayan at kinatawan ng Davao del Norte na magsabi ng totoo, pero hindi para siraan ang administrasyon kundi para maiwasto ang mga mali.
Nilinaw naman din nito na hindi niya binabatikos si Pangulong Rodrigo Duterte, na kanyang kaalyado sa pulitika kundi ang hindi tamang pamamaraan sa pagtugon sa pandemnya.
Muling inirekomenda ni Alvarez sa pamahalaan na i-reassess ang approach ng gobyerno laban sa COVID-19 upang mapababa ang kaso at makapagsimula na ang bansa sa COVID recovery.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.