Pangulong Duterte bilib kay DENR Sec. Cimatu sa pagpapaganda sa Manila Bay

Binati ni Pangulong Rodrigo Duterte si Department of Environment and Natural Resources (DENR) Sec. Roy Cimatu dahil sa nagawa nitong pagpapaganda sa Manila Bay.

Sa kaniyang televised public address, inalala ng pangulo noong panahon na hiniling niya kay Cimatu na linisin ang Manila Bay.

Agad aniyang kumasa sa hamon si Cimatu.

Ngayon sinabi ng pangulo na nakita na ng publiko ang resulta ng rehabilitasyon sa Manila Bay na mas kaaya-aya nang tignan.

Pinakikinabangan na aniya ng publiko ang resulta ng determinasyon ni Cimatu.

Binanggit din ni Pangulong Duterte kulay puting buhangin na mula sa dolomite stone na aniya ay ine-enjoy na ng publiko.