Sako na naglalaman ng mga pampasabog itinapon malapit sa blast site sa Jolo, Sulu
Dalawang suspek na sakay ng motorsiklo ang nagtapon ng sako malapit sa pinangyarihan ng kambal na pagsabog sa Jolo, Sulu kamakailan.
Ayon sa Philippine Coast Guard (PCG) itinapon ang sako pitong metro lang ang layo sa Coast Guard Station sa Sulu.
Sinabi ng Coast Guard na agad isinailalim sa lockdown ang lugar at agad rumesponde ang mga tauhan ng Metro Jolo Interagency Task Group (MJIATG), Philippine Army (PA), at Philippine National Police (PNP) para magsagawa ng proper explosive disposal.
Ayon sa Coast Guard kabilang sa mga nakuha ay isang rifle grenade, isang motorcycle spark plug, apat na piraso ng improvised electric blasting caps, 26 na piraso ng concrete nails, at maraming solid strand wire.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.