Mahigit P2M halaga ng marijuana bricks nakumpiska ng PDEA sa Mt. Province
Aabot sa mahigit P2 milyon halaga ng marijuana bricks ang nakumpiska ng mga tauhan ng Philippine Drug Enforcement Agency (PDEA) sa Bontoc, Mt. Province
Labingpitong piraso ng marijuana bricks ang nakumpiska ng pinagsanib-pwersa ng PDEA at PNP sa Brgy. Samoki.
Ayon sa PDEA – Cordillera Administrative Region, iniwan ang mga kahon sa waiting shed sa highway sa naturang barangay.
Naghintay ng ilang oras ang mga operatiba kung may darating para kumuha ng mga kahon, pero walang kumuha nito, kaya nagpasya silang buksan na ang kargamento at doon natuklasan ang mga bloke ng marijuana.
Iniimbestigahan na ngayon ng PDEA at PNP ang bagong modus na “dropping and shipping” ng illegal na droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.