Don Marcelino, Davao Occidental muling niyanig ng magnitude 3.3 na lindol

Muling niyanig ng magnitude 3.3 na lindol ang lalawigan ng Davao Occidental.

Ayon sa Phivolcs, naitala ang pagyanig sa 48 kilometers southeast ng bayan ng Don Marcelino, alas-8:07 umaga ng Biyernes (September 18).

May lalim na 109 kilometers at tectonic ang origin ng mga pagyanig.

Wala namang naitalang pagkasira ng mga ari-arian, intensities at aftershocks bunsod ng pagyanig.

Alas 6:06 ng umaga ay nakapagtala din ng magnitude 3.3 na lindol sa Don Marcelino.

Ang pagyanig ay aftershock ng magnitude 6.4 na lindol noong September 6.