“Store-to-door” delivery sa kanilang mga produkto pinalawig ng SMC ngayong panahon ng pandemya
Patuloy ang pagpapalawig ng San Miguel Corporation sa chicken-to-go brand nito na Chick ‘n Juicy ngayong panahon ng COVID-19 pandemic.
Binuksan ng San Miguel Foods, Inc. ang ika-87 store ng kanilang Chick ‘n Juicy sa Bagong Barrio, Caloocan.
Sa ngayon mayroon nang store ang naturang brand sa 12 lungsod sa Metro Manila at mga kalapit na lalawigan.
“With the pandemic still a threat to lives and health, we’re emphasizing safety across all San Miguel businesses,” ayon kay SMC president at chief operating officer Ramon S. Ang.
Sinabi ni Ang na mula nang mag-umpisa ang pandemya, tiniyak ng SMC ang patuloy at convenient na serbisyo sa mga customer sa pamamagitan ng mas madaling access sa mga produkto nila.
Target ng SMC ayon kay Ang na magkaroon ng outlet expansion sa Chick ‘n Juicy roast chickens para mas madami ang makinabang sa delivery network at online ordering platforms.
Nakipag-partner din ang SMC sa third-party online food delivery services gaya ng LalaFood, at sa mga susunod na panahon ay maging sa Grabfood at Foodpanda.
Para hindi na personal na magtungo sa Chick ‘n Juicy ay maaring mag-order via Store-to-Door delivery sa pamamagitan ng pagtawag sa 0917-1498000 o 5317-5555.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.