outbrain

Libu-libong pamilya na benepisyaryo ng 4Ps, inalis at pinalitan ng DSWD

By Erwin Aguilon September 16, 2020 - 06:12 PM

Aabot sa 180,000 na pamilya ang inalis at pinalitan ng Department of Social Welfare and Development (DSWD) sa ilalim ng Pantawid Pamilyang Pilipino Program (4Ps).

Sa budget breifing sa Kamara, sinabi ni DSWD Dir. Gemma B. Gabuya na nagkaroon ng attrition sa 4Ps dahilan upang tanggalin ang mga nasabing pamilya.

Paliwanag ng opisyal, hindi na qualified ang mga ito sa requirements ng 4Ps kaya sila ay tinanggal at pinalitan.

Sa kasalukuyan, nasa 4.3 milyon ang 4Ps beneficiaries ng DSWD at target na maitaas ng hanggang 4.4 milyon bago matapos ang taong 2020.

Mababatid na sa mga nakalipas na buwan kabilang ang 4Ps beneficiaries sa nabigyan ng P5,000 hanggang P8,000 ayuda sa ilalim ng Social Amelioration Program (SAP) sa gitna ng COVID-19 pandemic.

Base sa latest data ng DSWD, 97 percent na ng 14.1 million target beneficiaries ng second tranche ng SAP ang napahatiran ng tulong pinangsyal.

Aabot na sa P82.7 billion ang naipamahagi ng kagawaran sa pamamagitan ng direct payout at digital payment system.

TAGS: 4Ps beneficiaries, 4Ps beneficiaries DSWD, Dir. Gemma Gabuya, Inquirer News, pantawid pamilyang pilipino program, Radyo Inquirer news, 4Ps beneficiaries, 4Ps beneficiaries DSWD, Dir. Gemma Gabuya, Inquirer News, pantawid pamilyang pilipino program, Radyo Inquirer news

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.