24-hour operations ng GrabFood, magbabalik na sa Metro Manila

Inanunsiyo ng Grab na magbabalik na ang 24 oras na operasyon ng kanilang GrabFood.

Ayon sa ride-hailing company, magsisimula ang 24-hour operations sa Metro Manila sa araw ng Miyerkules, September 16.

“As we update our service hours for GrabFood, we remain committed to continuously provide access to daily essentials to our kababayans staying at home, while supporting the many driver-partners and partner stores on our platform,” pahayag ng Grab.

Tiniyak naman nito na susunod ang GrabFood sa mga ipinatutupad na curfew policies ng mga lokal na pamahalaan.

Hindi rin anila magpapadala ang GrabFood ng mga nakalalasing na inumin tuwing curfew hours.