Pasig City General Hospital tumatanggap na ng aplikante para sa Residency Training

Tumatanggap na ng aplikante ang Pasig City General Hospital para sa Residency Training.

Ayon kay Pasig City Mayor Vico Sotto ang mga aplikante ay sasailalim sa apat na taon na Residency Training sa emergency medicine sa ilalim ng Emergency Medicine and Acute Care ng PCGH.

Sinabi ni Sotto na maari na ring mag-apply ang mga nakatakda pa lamang kumuha ng Physician Licensure Examination ngayong buwan ng Setyembre at Nobyembre.

Ang deadline para sa unang batch ng mga mga aplikante ay sa Sept. 30 habang sa Nov. 30 naman ang deadline para sa ikalawang batch.