Radio commentator patay sa ambush sa Sorsogon
Agad nasawi ang isang radio commentator sa pananambang ng riding in tandem killers sa Sorsogon City kagabi.
Nagtamo ng apat na tama ng bala sa kanyang katawan si Joebert Bercasio, tubong Rapu-Rapu, Albay, ngunit residente ng Bacon District sa lungsod.
Base sa inisyal na impormasyon nangyari ang pagpatay isang oras pa lang ang nakakalipas nang i-post ng biktima sa kanyang Facebook account ang isang quarry operation sa bayan ng Bulan, sa nasabi din lalawigan.
Sakay ng kanyang motorsiklo ang biktima at patungo sa Seabreeze Subd., nang mangyari ang pananambang.
Isinalarawan si Bercasio na isang hard-hitting commentator at dati itong announcer sa dzMS-AM bago lumipat sa Balangibog Internet TV kung saan ipinagpatuloy niya ang pagiging komentarista.
Pinag-aaralan na ang lahat ng posibleng motibo sa kaso, kabilang na ang posibilidad na may kinalaman sa trabaho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.