Bilang ng COVID-19 recoveries sa Laguna mahigit 7,000 na

Tumaas pa ang bilang ng coronavirus disease o COVID-19 recoveries sa lalawigan ng Laguna.

Base sa huling datos ng Laguna PDRRMO at PHO (Lunes, September 14, 3PM), 7,055 ang naitalang bilang ng mga nakarecover o gumaling na sa COVID-19 sa lalawigan.

Ang bilang naman ng COVID-19 related deaths sa lalawigan ay nasa 191 na.

Ang bilang naman ng active cases ay nasa 2,858.

Ang kabuuang bilang ng tinamaan ng COVID-19 sa lalawigan ay umabot na sa 10,104.

Samantala, nasa 5,635 naman ang bilang ng suspected cases at 79 ang probable cases.