NCR at ilang bahagi ng Luzon, makararanas ng pag-ulan

By Angellic Jordan September 14, 2020 - 02:13 PM

Asahang makararanas pa rin ng pag-ulan ang Metro Manila at ilang lalawigan sa Luzon.

Sa thunderstorm advisory ng PAGASA bandang 1:19 ng hapon, iiral ang katamtaman hanggang mabigat na buhos ng ulan na may kidlat at malakas na hangin sa Nueva Ecija, Pampanga, Cavite, Quezon, Tarlac at Bataan.

Kaparehong lagay ng panahon din ang iiral sa Metro Manila partikular sa Quezon City, Malabon, Navotas, Valenzuela, Manila, San Juan, Mandaluyong, Pasig, Makati at Marikina.

Asahang uulanin din ang bahagi ng Cuenca, San Jose, Batangas City, San Pascual, Alitagtag, Bauan at San Luis sa Batangas.

Maaapektuhan din ang Cainta at Antipolo, Rizal: Masinloc, Zambales.

Sinabi ng weather bureau na posibleng maranasan ang pag-ulan sa susunod na dalawang oras.

Dahil dito, pinag-iingat ang mga residente sa nabanggit na lugar sa posibleng pagbaha o pagguho ng lupa.

TAGS: breaking news, Inquirer News, pagasa, Radyo Inquirer news, thunderstorm advisory, weather update September 14, breaking news, Inquirer News, pagasa, Radyo Inquirer news, thunderstorm advisory, weather update September 14

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.