‘3 gives’ sa bills sa ilalim ng Bayanihan 2 ikinatuwa ni Sen. Francis Tolentino
Nakapaloob sa Bayanihan to Recover as One Act na pinirmahan ni Pangulong Duterte ay ang pag-aalok dapat ng utility companies ng ‘three gives’ sa mga konsyumer.
Ikinatuwa ito ni Sen. Francis Tolentino dahil siya ang masigasig na nagtulak sa probisyon sa deliberasyon sa plenaryo ng Bayanihan 2.
Katuwiran ng senador napakahirap na ng sitwasyon at ang pag-aalok ng installment na pagbabayad sa kuryente, tubig at telekomunikasyon ay kahit paano ay makagaan sa pasanin ng mga konsyumer.
Paliwanag ni Tolentino, kailangan na magbigay ang lahat ng utility companies ng 30-day grace perion para sa pagbabayad ng kanilang konsumo habang umiiral ang enhanced community quarantine o ECQ at MECQ ng walang interes at multa.
Pagkalipas ng grace period may opsyon din ang mga konsyumer maging ang mga micro, small and medium enterprises na bayaran ang kanilang naiwan bills ng tatlong hulog o ‘three gives’ ng wala rin interes at multa.
Samantala ang upa naman sa tirahan at puwesto ng negosyo na nagsara noong ECQ at MECQ ay sakop din ng 30-day grace period at bibigyan din sila ng hanggang sa katapusan ng taon para tapusin ang ‘installment payment’ sa upa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.