Dagdag na 1,159 jeep, makakabiyahe na sa NCR simula sa Sept. 14
Makakabiyahe na ang mahigit 1,000 authorized traditional jeepney units sa Metro Manila simula sa Lunes, September 14.
Ayon sa Land Transportation Franchising and Regulatory Board (LTFRB), ito ay kasunod ng pag-apruba sa pagbubukas ng karagdagang 28 ruta kasama ang 1,159 PUJ units.
Sa inilabas na Memorandum Circular 2020-046, narito ang mga rutang magbubukas simula Lunes:
T140 Araneta University – Victoneta Ave./McArthur
T141 SM North EDSA – Luzon Ave. (Puregold)
T142 Balintawak – PUC via Baesa
T143 BF Homes – Novaliches
T144 Novaliches – Bignay
T145 Novaliches – Pangarap Village via Quirino Highway, Novaliches
T146 Novaliches – Shelterville via Congressional
T147 – Novaliches – Urduja
T148 Novaliches Town Proper – Barangay Deparo
T149 Grotto, San Jose Del Monte, Bulacan – Novaliches
T240 Aurora/Lauan – EDSA North Ave.
T241 Cubao – Proj. 2&3 via 20th Ave., P. Tuazon
T242 Calumpang – LRT 2 (Katipunan Ave.) via Aurora Blvd.
T340 Bel-Air – Washington
T341 Brgy. North Bay Boulevard – Pier South via Road 10
T342 Divisoria – Pier South via Delpan
T343 Kalentong/Romualdez – San Juan Via Little B
T344 Kayamanan C – Washington
T345 L. Guinto – Zobel Roxas via Paco Market
T346 Pier South – San Andres
T347 Blumentritt – Libertad via Quiapo,Mabini
T348 Blumentritt – Pier South via Sta. Cruz
T349 Brgy. Bagong Silangan – Marcos Ave. Sampaguita
T350 Dapitan – Delos Reyes/P. Campa via Andalucia/Laong Laan
T351 Kamuning – Vito Cruz via E. Rodriguez, A. Mabini
T409 Alabang – Muntinlupa (Bilibid Prison)
T409 Alabang – Muntinlupa (Bilibid Prison) via Katarungan Village
T410 Alabang – Bagumbayan via Bicutan FTI SSH Loop
Papayagang makapag-operate ang traditional PUJ kung ‘road-worthy’ o nasa maayos na kondisyon at may Personal Passenger Insurance Policy.
Kailangan mayroon ding QR code mula sa LTFRB bilang patunay na maaari silang bumiyahe.
Dapat naka-print ang QC code sa short bond paper at naka-display sa PUJ unit.
Dapat ding sumunod sa safety measures na itinakda ng Inter-Agency Task Force for Emerging Infectious Diseases (IATF-EID) para sa mga pampublikong sasakyan.
Sa ngayon, umabot na sa 17,372 ang bilang ng mga bumibiyaheng traditional jeep sa 206 na binuksang ruta.
Maliban pa rito ang 786 na modern PUJs sa 45 na ruta.
Bumibiyahe na rin ang 3,854 na bus at 32 ruta habang 387 P2P units ang bumibiyahe sa 34 ruta.
Nasa 1,905 UV express units naman ang nakakabiyahe na sa 59 ruta, 20,891 na taxi at 23,968 TNVS.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.