P136,000 halaga ng shabu, nasabat sa Tagbilaran City; 3 timbog
Arestado ang tatlong drug suspects sa ikinasang buy-bust operation sa Tagbilaran City, Sabado ng gabi.
Ayon sa Philippine Drug Enforcement Agency – Central Visayas (PDEA RO7), isinagawa ang operasyon sa bahagi ng Barangay Ubujan bandang 10:15 ng gabi.
Nakilala ang mga drug suspect na sina King John Fuderanan Tomo, 26-anyos; Ricky Angam Labor, 32-anyos; at Jeffrey Barimbao Balatero, 43-anyos.
Nakuha sa tatlo ang apat na pirasong plastic sachet na naglalaman ng hinihinalang shabu na nagkakahalaga ng P136,000.
Maliban dito, nakumpiska rin ng mga awtoridad ang ginamit na buy bust money at ilang drug paraphernalia.
Mahaharap ang mga suspect sa kasong paglabag sa Sections 5 at 11 Article 2 ng Republic Act 9165.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.