LPA, nagdudulot ng pag-ulan sa ilang bahagi ng bansa
Photo grab from DOST PAGASA website
Patuloy na binabantayan ng PAGASA ang low pressure area (LPA) sa loob ng Philippine Area of Responsibility (PAR).
Ayon kay PAGASA weather specialist Ariel Rojas, huling namataan ang LPA sa bisinidad ng Silang, Cavite bandang 3:00 ng hapon.
Nagdudulot aniya ang LPA ng maulap na kalangitan na may kalat-kalat na pag-ulan sa Central Luzon, Calabarzon, Metro Manila, Bicol region, Mimaropa, at Western Visayas.
Pagkalabas sa West Philippine Sea, patuloy aniyang kikilos ang LPA sa direksyong pa-Kanluran papalayo ng bansa.
Sinabi rin ni Rojas na asahang magkakaroon ng thunderstorms na magdudulot ng pag-ulan na tatagal ng dalawang oras sa bahagi ng Visayas at Mindanao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.