Consultant sa tanggapan ni Speaker Cayetano nagpositibo sa COVID-19

Pumalo na sa 71 ang nagpositibo sa corona virus disease o COVID-19 sa Mababang Kapulungan ng Kongreso.

Ayon kay House Secretary-General Atty. Jose Luis Montales, pinakahuli rito ang isang lalaking consultant ng tanggapan ni House Speaker Alan Peter Cayetano.

Huli anya itong nagtungo sa Batasan Pambansa noong August 24 at 25.

Nagpasailalim ito sa COVID-19 test matapos makaramdam ng pangangati ng lalamunan, pananakit ng katawan at nasal congestion na may kasama sipon at; pagkawala ng pang-amoy at panlasa.