Sen. Go handa sa ‘opposition role’ sa isyu ng korapsyon sa gobyerno
Handa si Senator Christopher Go na umaktong oposisyon kapag may nalaman at ibubunyag siyang mga katiwalian sa gobyerno.
Ito ang sagot ni Go sa paalala sa kanya ni Pangulong Duterte na huwag magdalawang-isip na isumbong sa kanya ang mga maling paggamit ng pondo ng gobyerno.
Nabanggit din ng senador na sa huling pag-uusap nila ni Pangulong Duterte ukol sa korapsyon, nabanggit sa kanya nito na sa natitirang panahon sa kanyang termino ay lalabanan niya ang katiwalian sa gobyerno.
Pagtitiyak pa ni Go na tabla-tabla o walang kapartido o kaibigan sa kanila ni Pangulong Duterte sa paglaban nila sa mga tiwali.
Napapansin rin naman ng punong ehekutibo, ayon pa sa senador, ang mga talagang nagta-trabaho ng tapat sa kanyang administrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.