Ilang lalawigan sa Central at Southern Luzon uulanin sa susunod na mga oras

Makararanas ng pag-ulan sa suusunod na mga oras ang ilang mga lalawigan sa Central at Southern Luzon.

Sa thunderstorm advisory na inilabas ng PAGASA alas 11:50 ng umaga ngayong Huwebes, Sept. 10, katamtaman hanggang sa malakas na buhos ng ulan ang mararanasan sa Zambales, Cavite at Batangas sa susunod na mga oras.

Ganitong lagay na rin ng panahon ang nararanasan sa bayan ng Liliw, Nagcarlan, at Majayjay sa Laguna at sa mga bayan ng Lucban, Tayabas, Sariaya, Candelaria, San Francisco, at Tagkawayan sa Quezon.

Paalala ng PAGASA ang mararanasang malakas na buhos ng ulan ay maaring magdulot ng pagbaha sa mabababang lugar.