Higit P800,000 halaga ng high grade marijuana, nabuking ng NAIA-Customs
Kinumpiska ng Bureau of Customs – NAIA ang isang package nang makumpirma na naglalaman ito ng ‘kush’ o high-grade marijuana.
Ang package ay nagmula sa California, US at idineklarang naglalaman ng limang piraso ng damit.
Ngunit nang matiyak ng BOC na ‘misdeclared’ ang package na bumagsak sa Central Mail Exchange Center sa Pasay City, isinailalim na ito sa pagsusuri ang nadiskubre ang 533 gramo ng kush na nagkakahalaga ng P852,000.
Nabatid na ang package ay nakapangalan sa isang Aura Talob ng Davao City.
Nasa kustodiya na ng PDEA ang imported drugs.
Ito na ang ikaapat na pagkakataon ngayon taon na nakakumpiska ang BOC – NAIA ng kush na mula sa US.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.