Pumanaw na si dating House Speaker Arnulfo “Noli” P. Fuentebella sa edad na 74.
Kinumpirma ito mismo ng kaniyang anak na si Camarines Sur 4th District Rep. Arnulf Bryan “Arnie” Buquid Fuentebella sa pamamagitan ng Facebook.
“With deep sorrow, we would like to inform our family and friends that Former Speaker Arnulfo “Noli” P. Fuentebella has passed away this morning, September 9, 2020,” batay sa post ng nakababatang Fuentebella.
Ito ay bunsod aniya ng heart failure matapos ang halos dalawang taong pakikipaglaban sa kidney disease.
“Your prayers for his final journey back Home will be fondly appreciated,” dagdag pa nito.
Nagsilbi si Arnulfo Fuentebella bilang House Speaker noong 11th Congress mula taong 2000 hanggang 2001.