85-anyos na lolo, tumakas; COVID-19 facility, tinangkang sunugin
Matapos tumakas sa isang ospital, tinangka ng isang 85-anyos na lalaki na sunugin ang isolation facility ng pamahalaang-bayan ng San Manuel, Pangasinan.
Nabatid na positibo sa COVID-19 ang matandang lalaki at ang tangka niyang pagsunog sa Don Primitivo S. Perez Social Hall ay naganap noong nakaraang araw ng Linggo.
Base sa impormasyon, na-confine sa Region 1 Medical Center ang lalaki noong Agosto 30 nang magpositibo sa COVID 19-test.
Kinabukasan ay tumakas na ito bago ito muling nahuli at nang ayaw nang tanggapin sa ospital ay inilagay na ito sa isolation facility sa naturang bayan.
Ngunit, sa pamamagitan ng katol, tinangka nitong magpasimula ng sunog sa pamamagitan ng pagsunog sa mga papel at binasag pa nito ang ilang salaming bintana.
Nang muling mahuli, dinala na sa Pangasinan Provincial Hospital ang matanda, na maaaring sampahan ng mga kaso kapag ito ay gumaling na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.