84 nakumpiskang video karera at fruit games sa Las Piñas City, winasak

Winasak ng Las Piñas City Police Station ang mga nakumpiskang video karera at fruit games.

Ayon sa Las Piñas City government, aabot sa 84 ang sinirang video karera at fruit games, Lunes ng umaga (September 7).

Nakuha ang mga ito mula sa iba’t ibang lugar sa lungsod sa ilalim ng pinaigting na anti-illegal gambling operation mula noong buwan ng Hulyo hanggang unang linggo ng Setyembre.

Sinira ito ng mga pulis gamit ang maso.

Nasaksihan naman ito ni National Capital Region Police Office (NCRPO) Regional Director Police Major General Debold Sinas at Southern Police District Office (SPDO) District Director Police Brigadier General Emmanuel Peralta.