NCR at ilang probinsya sa Luzon, uulanin pa rin
Asahang makararanas pa rin ng pag-ulan ang Metro Manila at ilang probinsya sa Luzon.
Sa thunderstorm advisory ng PAGASA bandang 12:49 ng tanghali, iiral ang katamtaman hanggang mabigat na buhos ng ulan na may kidlat at malakas na hangin sa Metro Manila, Bataan at Batangas.
Kaparehong lagay ng panahon din ang iiral sa Rodriguez, Rizal; Norzagaray, Bulacan; Sampaloc, Quezon; Cavinti at Luisiana, Laguna.
Asahang uulanin din ang bahagi ng Mendez at Amadeo sa Cavite; Mabalacat at Porac sa Pampanga; Mayantoc at San Jose, Tarlac.
Maaapektuhan din ang Nueva Ecija partikular sa General Tinio, Gabaldon at Bongabon; Zambales sa Candelaria, Masinloc at Palauig.
Sinabi ng weather bureau na posibleng maranasan ang pag-ulan sa susunod na dalawang oras.
Dahil dito, pinag-iingat ang mga residente sa nabanggit na lugar sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.