Dalawa pang kawani sa Kamara, tinamaan ng COVID-19
Dalawa pang empleyado ng Mababang Kapulungan ng Kongreso ang nag positibo sa COVID-19.
Ayon kay House Secretary General Atty. JoseLuis Montales, nadagdag sa listahan ang isang babaeng empleyado ng Finance department.
Huling pumasok sa trabaho ang empleyado noong September 1 at sumama ang pakiramdam matapos alagaan ang anak na lalaki na nag positibo sa COVID-19.
“The first is from the Finance Department. She last reported for work on September 1, and fell ill after attending to her son whom we reported earlier as a confirmed case,” pahayag ni Montales.
Nakatalaga naman sa Committee on Legislative Franchises ang isa pang empleyado na nagpositibo sa COVID-19 at huling pumasok sa trabaho noong August 10.
Sa kabuuan, 67 na ang naitatalang COVID-19 case sa Mababang Kapulungan kung saan 13 ang active cases.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.