Ito ay nasa Far North Luzon General Hospital and Training Center sa Luna, Apayao.
Ayon kay Senador Bong Go, ito na ang ikalawang Malasakit Center sa Cordillera Administrative Region.
“Itong Malasakit Center sa Apayao ay pang-81st Malasakit Center na po ito sa buong bansa at batas na ito ngayon. Gaya ng ipinangako natin noon ay mayroon na kayong Malasakit Center po dyan sa inyong lugar” pahayag ni Go.
Ang Malasakit Center ay pet project ni Go.
Ito ay one-stop shop kung saan makakukuha na ng medical at financial assistance ang isang pasyente sa Malasakit center.
Kabilang na rito ang ayuda mula sa Department of Health, Department of Social Welfare and Development, Philippine Charity Sweepstakes Office, at PhilHealth.
“Hindi na po kailangan lumabas pa ng mga pasyente tulad noon na naghahanap pa sila ng apat na ahensya, at kung saan opisina nila. Ubos ‘yung pamasahe, ubos pa ‘yung panahon nila sa kakapila. Isang linggo ‘yan pipila, madaling araw pa para lang po humingi ng tulong,” pahayag ni Go.
“Sa Malasakit Center, isang opisina nalang sa ospital mismo sa lugar ninyo ang kailangan ninyong puntahan upang makakuha ng mas mabilis at mas maayos na tulong medikal mula sa gobyerno,” dagdag ng senador.
