Bilang ng mga Filipino sa abroad na nagpositibo sa COVID-19 umabot na sa 10,113 – DFA
Nadagdagan ng 26 ang bilang ng mga Filipino na apektado ng coronavirus disease o COVID-19 sa ibang bansa.
Sa datos ng Department of Foreign Affairs (DFA) (Biyernes, September 4) , nasa 10,113 na overseas Filipinos (OFs) ang kumpirmadong positibo sa COVID-19 sa 74 na bansa at rehiyon.
Sa nasabing bilang, 3,081 ang patuloy na nagpapagamot sa iba’t ibang ospital.
Ayon pa sa DFA, 6,275 naman ang naka-recover o na-discharge na sa ospital.
Ang bilang naman ng mga Pinoy abroad na pumanaw dahil sa COVID-19 ay nasa 757.
Pinakamarami pa ring naitalang confirmed COVID-19 positive na Filipino sa bahagi ng Middle East/Africa na may 6,975 na kaso.
Sumunod dito ang Europe na may 1,168 confirmed COVID-19 positive cases.
Nasa 1,172 naman ang kaso sa Asia Pacific Region at 798 sa Americas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.