COVID-19 cases sa Quezon City, 12,317 na

Nagkaroon pa ng mga bagong kaso ng COVID-19 sa Quezon City.

Sa datos ng Quezon City Health Department, umabot na sa 12,317 ang bilang ng mga kumpirmadong kaso ng nakakahawang sakit sa lungsod hanggang 8:00, Huwebes ng umaga (September 2).

Ang nasabing bilang ng kaso ay na-validate na ng QCESU at district health offices.

Samantala, nasa 2,086 o 17 porsyento ang itinuturing na aktibong kaso ng pandemiya.

9,799 naman o 79 porsyento ang total recoveries sa COVID-19 sa lungsod.

432 residente naman o apat na porsyento ang nasawi bunsod ng nakakahawang sakit.

Batay pa sa datos, nasa 13,341 ang suspected COVID-19 cases na kabilang na isinagawang contact tracing.