Bagyo sa labas ng bansa lumalakas pa; saglit na papasok ng PAR bukas
Lumakas pa ang bagyong binabantayan ng PAGASA at ngayon ay nasa typhoon category na.
Ang bagyo na mayroong international name na “Haishen” ay huling namataa sa layong 1,800 kilometers east ng Basco, Batanes.
Taglay ng Typhoon Haishen ang lakas ng hanging aabot sa 120 kilometers bawat oras malapit sa gitna at pagbugsong aabot sa 150 kilometers bawat oras.
Kumikilos ang bagyo sa bilis na 20 kilometers bawat oras sa direksyong west northwest.
Ayon sa PAGASA, saglit na papasok sa bansa ang bagyo bukas, araw ng Biyernes.
Sa sandaling pumasok sa bansa ay papangalanan itong “Kristine”.
Wala naman itong magiging direktang epekto dahil hindi ito lalapit sa landmass ng bansa at agad ding lalabas ng PAR.
Ngayong araw, magiging maaliwalas ang panahon sa buong bansa.
Magkakaroon lamang ng isolated na pag-ulan sa hapon o gabi dahil sa localized thunderstorm.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.