Sa isinagawang survey ng Pulse Asia noong February 15 hanggang 20, tinanong ang 1,800 respondents kung sino ang iboboto nila kung sa nasabing petsa gagawin ang eleksyon.
Si Escudero ay nakakuha ng 29% o apat na puntos na pagbaba sa 33% na nakuha niya noong January survey, habang si Marcos ay nakakuha naman ng 26% na may 3% na pagtaas na man kumpara sa nakaraang survey.
Nasa ikatlong pwesto si Liberal Party Bet Leni Robredo na may 19% na mas mataas ng 1% sa 18% na nakuha niya noong nakaraang January survey.
Si Senator Alan Cayetano naman ang nasa ikaapat na pwesto na nakakuha ng 12% na mas mababa ng 2% sa January survey.
Panglima si Senator Antonio Trillanes IV na may 6% o 2% na pagtaas sa nakuha niyang 4% lang noong nakaraang buwan at nasa ikaanim na pwesto si Senator Gringo Honasan na nakakuha ng 3%.